Zaburi 73:15-28

¹⁵Kama ningesema, “Ningesema mambo haya,” kumbe nigewasaliti kizazi hiki cha watoto wenu.

¹⁶Ingawa nilijaribu kuyaelewa mambo haya, yalikuwa ni magumu sana kwangu.

¹⁷Ndipo nilipoingia patakatifu pa Mungu na kuelewa hatma yao.

¹⁸Hakika wewe huwaweka penye utelezi; huwaangusha mpaka palipoharibika.

¹⁹Jinsi gani wamekuwa ukiwa kwa muda mfupi! Wamefika mwisho nao wamemaliza kwa utisho.

²⁰Wao ni kama ndoto wakati wa mtu kuamka; Bwana, utakapo inuka, utazidharau ndoto zao.

²¹Maana moyo wangu ulipata uchungu, nami nilijeruhiwa sana.

²²Nilikuwa mjinga na sijui neno; nilikuwa kama mnyama tu mbele yako.

²³Lakini mimi nipo pamoja nawe daima; umenishika mkono wa kuume.

²⁴Utaniongoza kwa shauri lako na baadaye utanipokea katika utukufu.

²⁵Ni nani niliye naye mbinguni isipokuwa wewe? Hakuna nimtamaniye duniani isipokuwa wewe.

²⁶Mwili wangu na moyo wangu huwa dhaifu, bali Mungu ndiye nguvu ya moyo wangu daima.

²⁷Wale walio mbali nawe wataangamia; utawaangamiza wote wasio waaminifu kwako.

²⁸Lakini mimi, linipasalo kufanya ni kumkaribia Mungu. Nimemfanya Bwana Yahwe kimbilio langu. Nami nitayatangaza matendo yako yote.