Psalm 132:2-7

²Ngudda yiburrbun bu nungka kunwok ngunmarnekurrmerrinj ngudda nawu Yawey. Nungka wanjh ngunberrebbom ngudda nawu Jacob nuye God nawu Yiwernhdulkarrekimuk Duninjh.

³Bu David wanjh kuhni yimeng, “Ngaye minj ngarrokme kured dja minj mak ngakodjkeyo.

⁴Mak minj ngangehme bu ngakodjkekurrmerren.

⁵Kaluk bu ngabolkngalke nuye Yawey. Ngayawan kunred kunmak kore nawu Jacob nuye God kahyo. Nungka nawu Narrulkarrekimuk Duninjh.”

⁶Bu ngarridi darnkih kore kukadje Ephrathah, wanjh kumekbe ngarriwobekkang nawu Ark kore God wokkurrmerrinjkenh. Dja wanjh ngarringalkeng kore kabbal bolkngeyyoy Jearim.

⁷Wanjh ngad ngarriyimeng, “Mah! Wanjh karriray kore Yawey kahni dja karrimarneboddan kore kurrenge nuye!”