Proverbs 3:20-35

²⁰Ale noko ikia biya mu te yu ali ningi basu arataso, se yu taiti nuwi ningi mu tuwik ko kaposo.

²¹Aga namar, ikia sinar ko munan suen la mu ninguru ilukuawur ale kamili me ta saparukko.

²²Munan umu ni daiga bagara ningo kisok, ale kulolo yawara bo degetak te iwita anirukko.

²³Se ni apalagaya namar mu ningo la lagerko;

²⁴ale ka anira kuwim te taga anir, mu mel bo ko me nguangerko, yawarakala anirko.

²⁵Ikup tairatela arataso mu ko me nguangerko, ale kariimet memek alo ikup arigisan mu ni me ko nguangerko.

²⁶Mu awuk, Yawe ni kerak pingi baga se ka bituok se me dagulko.

²⁷Awiriya mel ko tukunangaruk se ni karogo bager, mu ni nu am sangaruko.

²⁸Ni mel ago agi mu, nu manaru ale “Ukirok se asele kisekko,” ma me manaruko.

²⁹Nika singsang kerak bagasan mu ni yumura la lage memek te me nunga bitarko, mu awuk, nuna ni me ka iki paguwusan.

³⁰Kari bo am ipi den te me atumko; nu memek bo ni kimik te me beteram.

³¹Ni kari daong alis te melmasak gisan mu arik ale nomolak umu me karoko,

³²mu awuk, Yawe kariimet memek nunga bagara aolak memek mu nunga biriruwuso nunguningkiri; bare nu kariimet nunga bagara aolak diram mu noko tiran yawara ko nunga beteso.

³³Yawe ko gomang memek mu kariimet munan memek betesan mu nunga kawam digo lilim awote kaposo; bare noko marak ningo mu kariimet munan diram betesan mu nunga kawam digo lilim ningi kaposo.

³⁴Nu suwik sapara ko den bala ko kariimet alo mu nu aguwaya nungumik te bitirukko mu nukote ikup bo iwita mena; bare kua kapara ko kariimet alo mu nu gomang nungarso ale nunga sangarso.

³⁵Awiriya ikia sinar ago mu nup biya taukko; bare nusupuling aora biya alo mu dolomonko.