Proverbs 30:20-28

²⁰“Imet kari ilak diram bagara mena ko munan mu, kari kigilik ilak tere naso ale numi nungurso ale balso, ‘Mel bo ningi memek mena,’ iwita balso.

²¹“Munan 3 agi 4 imi arataso mu memek biya se ali wanara ko kaposo:

²²Ura kari yam king kuwim taso, kari ngualara wore kumik ko na inang suen biya,

²³ari mera imet bo laga, mena ningi kari taso, se ura imet ko dom imet kuwim taso ale ko dom kari mu ilak naso giso.

²⁴“Ali imi te mel gotektek ilagala ilagala imi anisan, nuna gotektek nunguningkiri, bare ikia sinar ago:

²⁵Madidir mu nosokel gotektir, bare nuna tom udagi inang mena mu ko iki kam inang gi bolala awu gilingisan.

²⁶Se madar mu betela nosokel gotektir, bare nunga singir mu yumura te nunguningkiri te kalo gilingisan.

²⁷Se locust mu nungumik king mena, bare nunga paoga paoga te nunumi nogowom kaora la binga gilingisan.

²⁸Se makina gotektek mu kiting te am ilupko terong, bare nuna king ko kawam ningi agotala baga gilingisan.