Muqâqiŋ Dâŋ 30:20-28

²⁰Boe sau ŋokaczi wiac ʒiŋuc eekac: E sasec gie barâ opâ ruahuc ʒiŋuc muekac: “No bahac moc mi bâfuapac i.”

²¹Wiac jahec â jahec kecʒiŋuc jaŋere manapene mi eene eekac:

²²Kiŋaŋ qaqazi ŋicwofuŋ erâ juju, ŋic sindaŋnezi nânâ mâriri sâkohec juju;

²³ŋokac qaisockekicnezi ŋic roro, erâ kiŋaŋ naruzi ŋokac bomboŋ‐ticne ââkehocke.

²⁴Qowi jahec â jahec kecʒiŋuc juŋgopieŋ jaŋe piticne jâmbâŋ erâ sifu mamana tarahec:

²⁵Qoʒazaŋ jaŋe tâpiri tâmiric erâ sifu ʒoaŋ dameŋko nânâ wiac‐jeŋic ro qâzuc efâreeŋgopieŋ.

²⁶Mandaŋ jaŋe tâpiri tâmiric jaha erâ sifu mâreŋ gufurâ fic hae eeŋgopieŋ.

²⁷Hâpic jaŋe ŋicwofuŋ tâmiric juhuc sifu birihec raeŋgopieŋ.

²⁸Ʒereac jaŋe mezi roroc‐jopane, erâ sifu ŋicwofuŋte ficko jueŋgopieŋ.