Proverbs 23:28-33

²⁸Nuna tere kari lage luan te yumuram baga se, imet ilak me diram bagara ko munan te kari suen biya nunga maguwuwoso se kapawasan.

²⁹Awiri ikup ago? Awiri noman bataga ago? Awiri den tagi gurungumu lagoso? Awiri ininga munaka lagoso? Awiri lot gawir ago lagoso? Awiri motam kuagi guar kiriyam lagoso?

³⁰Mu awiriya mena, kari yu aora tawun biya nasan ale yu aora duap duap no ari ari geragasan, kari ari borta.

³¹Yu waen ko diriyam mu agi, bagun ningi musuk pagoso mu se, degetak luan ningi palenga kaposo mu arik ale me motam barasukko!

³²Mu awuk, nukum te mu yu mu mot memek kuating memek karogo wore iwita daongaso.

³³Se motam bingok ale taratarong kelaguk se dora duap duap arik, ale ka ikia ngualaruk se ikia kawel kamin te tairukko.