Proverbs 20:21-30

²¹Lage guyak te mel ko tom aitak bare sail te gia, mu kerak tom maiya biya me anirukko.

²²Bo ko memek koma bitarko me baluko; Yawe te ira sanami sager se nu ka sangukko.

²³Mel ko ikup guyak diram la me tata ko munan mu Yawe biriruwuso; ale skel karogo kaera birikara ko munan mu me ko amilmiloso.

²⁴Yawe kari ko aolak kiti guruguwoso; se ko aolak ko ninguru iki saparukko mu me terong.

²⁵Ikia ninguru me ta ale, tairate mel balu Yawe tua ale aking udagi ikia ka moa lagara, mu me terong.

²⁶King ikia sinar ago mu kariimet memek mu nunga tuteso ale memek ninguru nungarso.

²⁷Yawe kari ko marak mu galep bo iwita tuam, se te anapeya ko gomang motam ningi aniso mu te ari guruguso.

²⁸King ko kariimet nunga kua nungara se diram la nunga bitua ko munan mu nu sangarso, se tom maiya biya nunga king ko bagarukko.

²⁹Kari kulak nunga nokokosa barim am biya mu te nunup kaposo; se kariimet garuk mu nokokone te kariimet nunga kua kapa gilingisan.

³⁰Kari memek bita lagara mu, tom bo iluwa ale moa maguwu gue tua mu am sangukko tala, ale mu te gomang motam gurugok ale munan ningo karoko.