Proverbs 16:29-33

²⁹Daong kager ko kari mu ko bo gomang kulukurso ale ilak kager daong memek ko lage te namoso.

³⁰Kari bo sumulak dun pateso ale motam daleloso, mu ikia memek karogo.

³¹Ningo diram la laga nomone yak maso, mu mel yawara bo balayam nusupuling tugu kam.

³²Kager kari tamatama mu ko sokel mu te wonong bo am moa mituwurokko; bare numi ira ko kari mu ko bagara ko sinar taso, mu nu kager kari mu kiaram.

³³Ana anapeya duap duap betenakko ikia am kalonakko, bare Yawe anapeya aratukko agi mena mu nu balso se arataso.