29Fiyu runaga amïguntapis engañanmi. Payga amïgunta llutanmanmi gaycun.
30Mana allita rurayta yarpajcunaga ñipchipayllapami sëñata rurashunqui. Mana allita rurariycorga shimi wirpanta amucurcun.
31Allillata rurajcunaga chachayänancamami cawan. Sogu caynenga corönanömi cushicachin.
32Alli chölu-tucuypitaga mas alli pasinsacuymi. Llapan marcapa mandajnin cananpitaga mas alli caycan quiquinraj alli duminacuyta yachashanmi.
33Imata rurananpäpis runaga surtitami jitan. Chaypis Tayta Diosrämi camacächin.