3Vir pauper calumnians pauperes similis est imbri vehementi in quo paratur fames.
4Qui derelinquunt legem laudant impium; qui custodiunt, succenduntur contra eum.
5Viri mali non cogitant judicium; qui autem inquirunt Dominum animadvertunt omnia.
6Melior est pauper ambulans in simplicitate sua quam dives in pravis itineribus.
7Qui custodit legem filius sapiens est; qui autem comessatores pascit confundit patrem suum.
8Qui coacervat divitias usuris et fœnore, liberali in pauperes congregat eas.
9Qui declinat aures suas ne audiat legem, oratio ejus erit execrabilis.
10Qui decipit justos in via mala, in interitu suo corruet, et simplices possidebunt bona ejus.
PROVERBIORUM 28
PROVERBIORUM 28:3-10