13Noli subtrahere a puero disciplinam: si enim percusseris eum virga, non morietur.
14Tu virga percuties eum, et animam ejus de inferno liberabis.
15Fili mi, si sapiens fuerit animus tuus, gaudebit tecum cor meum:
16et exsultabunt renes mei, cum locuta fuerint rectum labia tua.
17Non æmuletur cor tuum peccatores, sed in timore Domini esto tota die:
18quia habebis spem in novissimo, et præstolatio tua non auferetur.