2Lingua sapientium ornat scientiam; os fatuorum ebullit stultitiam.
3In omni loco, oculi Domini contemplantur bonos et malos.
4Lingua placabilis lignum vitæ; quæ autem immoderata est conteret spiritum.
5Stultus irridet disciplinam patris sui; qui autem custodit increpationes astutior fiet. In abundanti justitia virtus maxima est: cogitationes autem impiorum eradicabuntur.
6Domus justi plurima fortitudo, et in fructibus impii conturbatio.