Proveb 3:27-33

²⁷Hetahos minuk keke konahuli kattei ui umen onen koakeil amum navong mul en hem keke kovasani min keil.

²⁸Munak meatin tai visuk en tounah tai koa kovuli kati mul, tahos keke kisan vareini mini. Konahitentei konahit, “Vuo, visuvong esuk nisani minuk.”

²⁹Konoumontei sise vapurun meatin tai koa ro vesesal venuk veni ro ral minuk ka ling desien onen mul enuk.

³⁰Konasel kutut kattei meatin sav koa romumon etai tounah vapurunuk.

³¹Konahati lattei meatin tatituen, ka konousiltei sakien keil onen,

³²veni Iahova vuroh kat vati meatin koa mukonek, ka koakeil moulien one mal, kei lah keil umai vesesal veni.

³³Iahova hesan sesendaen heha kat teim sen meatin keil koa amum tisa. Ka hesan tokolkatien heha en teim sen meatin keil koa amum mal.