Pisalem 94:8-14

⁸Agu daangada, goodou e aha ala e longo buna gei e dadaulia? Goodou e kabemee ma gaa hee?

⁹God ne hai tadau dalinga, Mee e deemee di hagalongo? Mee ne hai tadau golomada, Mee e deemee di mmada?

¹⁰Mee e hagaoho hagawelewele gi nia daangada, Mee hagalee ga daaligi digaula? Mee tangada agoago ni digau huogodoo, Mee ana kabemee ai?

¹¹Dimaadua e iloo Ia nadau mee ala e hagamaanadu. Mee e iloo ia nia balu hagamaanadu ala i nadau lodo.

¹²Meenei Dimaadua, e tenetene hualaa behee go au daangada ala e aago, digau ala e aago Kooe gi au haganoho!

¹³Goe guu hai digaula gi hagamolooloo gi daha mo nia laangi haingadaa, gaa dae loo gi di luwa dela guu geli belee hele ai digau huaidu.

¹⁴Dimaadua la hagalee kili gi daha ana daangada. Mee hagalee diiagi ana daangada.