Pisalem 77:13-20

¹³Meenei God, au mee huogodoo ala e hai le e dabu. Ma di god i golo e aamua be Goe ai.

¹⁴Ma kooe hua go di God dela e hai au mogobuna, Goe gu hagamodongoohia aga o mogobuna ang gi nia daangada.

¹⁵Goe ne haga dagaloaha au daangada gi o mogobuna, ala go di hagadili ni Jacob mo Joseph.

¹⁶Meenei God, di madagoaa nia wai ne mmada adu gi di Goe, nia maa gu mmaadagu, di moana gu bolebole.

¹⁷Nia gololangi gu malingi iha nia uwa, nia atili gu haluihalulu mai i lala di langi, nia ila gu dabadaba i nia madagoaa huogodoo.

¹⁸Di lee o au atili gu haluihalulu, gei henuailala gu maahina i au ila ala e dabadaba. Henuailala gu bolebole gu ngalungalua.

¹⁹Goe gu haele i lodo nia beau, Goe e hana laa lodo di moana llala, gei o lohongo babaawae le e de gidee.

²⁰Goe ne dagi au daangada gadoo be tangada hagaloohi siibi i lala nia madamada humalia o Moses mo Aaron.