Pisalem 54:2-6

²Meenei God, hagalongo mai gi dagu dalodalo. Hagalongo mai gi agu helekai!

³Digau hagamuamua e lloomoi e heebagi mai gi di au. Digau hagawelewele e hagamada bolo ginaadou e daaligi au gii made, nia hagadilinga daangada ala hagalee e hagalaamua a God.

⁴Gei God go dogu hagamaamaa. Di Tagi go dogu dangada daa.

⁵God gi daaligidia ogu hagadaumee i nia hegau huaidu digaula ala e hai. Mee ga daaligi digaula gi daha, idimaa Mee e manawa dahi.

⁶Meenei Dimaadua, au gaa hai dagu tigidaumaha adu gi di Goe mo di tenetene. Au gaa hai dagu hagaamu adu gi di Goe, idimaa Goe dela e humalia.