Pisalem 39:1-4

¹Au ga helekai, “Au gaa pula i di au i agu mee ala ma gaa hai, ge hagalee dumaalia gi dogu holole gi heia au gii hala. Au hagalee helekai i dahi mee i di madagoaa digau huaidu e hoohoo mai.”

²Au guu noho deemuu hagalee helekai, ma e aha maa di mee humalia! Gei dogu hagaduadua le e gonua mai.

³Dogu de nnoomaalia gu damanaiee huoloo i ogu lodo. Dogu noho hua ge mamaanadu, gei dogu de nnoomaalia e damana mai, gei au gu deemee dagu noho bolo hagalee heeu,

⁴“Meenei Dimaadua, au e mouli waalooloo behee? Ma gaa hee gei au gaa made? Hagia mai gi di au be dogu mouli le e hagaodi ma gaa hee?