Mboe 39:1-4

¹Mboe ki Dabit Timbo pa Yedutun. Ni iwe mataana pizin mboe kan Nio aŋso ta kembei: “Nio ko motoŋ iŋgal ituŋ: Kokena sua sananŋana sa ipet pa kwoŋ. Mi sombe wal sananŋan timbot kolouŋana pio, nako aŋboro kat kwoŋ mi aŋmaane men.”

²Tana kwoŋ imun mi aŋso sua sa pizin som. Aŋyaraama ituŋ mi aŋmaane men. Tamen leleŋ ipata mi ila ila ma iwe biibi kat.

³Leleŋ ibayou ma tau aŋsaana kat. Pa aŋkam ŋgar boozo pa zin wal sananŋan ta mboti kizin ambai men. Tana aŋyamaana kembei ta you ikanan la leleŋ ma aŋrao aŋgabiizi ituŋ mini som. To aŋwi Anutu mi aŋso ta kembei:

⁴“Yooba, paute yo kat. Ndaama tio piizi ta imbotmbot men i? Ko aŋmeete mi aŋmap pa toono ŋiizi? Uulu yo be aŋkilaala kat ta kembei: Mbotŋana tio ta ki toono ti na molo som.