Pisalem 38:13-21

¹³Au e hai gadoo be tangada longoduli dela e deemee di hagalongo, e hai gadoo be tangada e deemee di leelee dela e deemee di helekai.

¹⁴Au e hai gadoo be tangada dela hagalee helekai gi nia heeu, idimaa mee e de longono.

¹⁵Gei au e hagadagadagagee adu gi di Goe, meenei Dimaadua. Gei Goe, meenei dogu Dagi go dogu God, Goe ga helekai mai laa.

¹⁶Hudee heia ogu hagadaumee gii mmada tene gi dogu haingadaa. Hudee heia digaula gi hagapuu gi dogu hinga gi lala.

¹⁷Au gu hoohoo gaa doo, gei au e mmae huoloo.

¹⁸Au e haagi ogu huaidu ala e hagahonu au gi uli ogu gai.

¹⁹Ogu hagadaumee le e maaloo dangihi, e dogologowaahee digau ala e hagadugina e ginaadou i di au, gei au dagu mee hala ne hai gi digaula ai.

²⁰Digau ala e hui di huaidu gi agu haihai humalia le e hai baahi mai gi di au, idimaa, au e hagamahi e hai di mee dela e donu.

²¹Meenei Dimaadua, hudee diagia au. Meenei dogu God, hudee haga mogowaa ina Goe gi daha mo au!