Sam 38:13-21

¹³Nia a lok ngan laradi baulang, kopmen nang tonga, la kopmen na paase.

¹⁴Nia xopmen ana paase porang, atla a lok ngan laradi lubaalung teren i rebonot.

¹⁵Ketla a nunu saga ram, Leeme Silok. La nenu Leeme Silok, unaba vaase porang ia.

¹⁶Nemen uta ke avolo limixin munepen minia dina lok momo aksaksa ria mumu lusumsubu rak la dina lok momo mumu lumumuat tarak.

¹⁷Nia na ana subu nga, la a suma amisik langsangan losongsongot silok.

¹⁸Nia a tong asu laxakapmek tarak, atla mo laxakapmek ik lox abulu amisix ia.

¹⁹Limixin di munepen minia di ruuna lorooro avukat mi lolos. Buaang nedi di belengatngas parang gamasa mun tia.

²⁰Nedi di sepo lununuan mi laxakapmek. Kopmen dina etaba belen minia atla nia a mumu asu langas mokmokso.

²¹O Leeme Silok, nemen uta raba rulu ia. Moroa rak, nemen uta nemen paxalom basinge ia!