8Goodou tei gii bida halahala ina be Dimaadua le e humalia behee. E maluagina go tangada dela guu gida dono hagaloohi i baahi o Mee.
9Goodou ala go ana daangada huogodoo, hagalaamua ina a Dimaadua. Digau ala e hagalongo gi Mee, le e hai mee gi nia mee ala e hiihai ginai digaula.
10Nia laion hogi le e hiigai idimaa nadau meegai ai, gei digau ala e hagalongo ang gi Dimaadua la gaa dohu i nadau mee humalia huogodoo.
11Ogu ihoo hagaaloho damagiigi, lloomoi hagalongo mai gi di au, gei au ga aago goodou gi di hai dela e hagalaamua a Dimaadua.