Pisalem 29:4-11

⁴Di lee o Dimaadua le e mogobuna ge e mahi huoloo.

⁵Di lee o Dimaadua e oho nia laagau ‘cedar’, go nia ‘cedar’ o Lebanon.

⁶Mee e hai nia Gonduu o Lebanon gi hobohobo gadoo be nia damaa kau, gaa hai di Gonduu Hermon gii hobo gadoo be tamaa kau daane.

⁷Di lee o Dimaadua e hai di ila gii daba.

⁸Di lee o Maa e hai di anggowaa gi lullulu. Mee e lullulu di Anggowaa o Kadesh.

⁹Di lee o Dimaadua e lullulu nia laagau llauehe, gaa hai nia lau laagau la gi monnono i di madagoaa nia daangada huogodoo ala i lodo di Hale Daumaha a Maa e wwolowwolo boloo: “Haga madamada ina a God!”

¹⁰Dimaadua e dagi nia wai llala, Mee e dagi gadoo be di king gaa hana hua beelaa.

¹¹Dimaadua e haga maaloo aga ana daangada, ga haga maluagina digaula gii noho i di aumaalia.