Pisalem 24:6-10

⁶Ma go digau ala beenei ala e lloomoi gi God, ala e lloomoi gi mua di God o Jacob.

⁷Goodou hugee nia bontai di abaaba di waahale, hugee nia bontai ala mai anadilaangi, gi ulu di King Aamua gi lodo!

⁸Di King Aamua deenei la koai? Go Dimaadua, Mee e maaloo ge mogobuna! Dimaadua dela koia e maaloo i lodo nia dauwa.

⁹Goodou hugee nia bontai di abaaba di waahale, hugee nia bontai ala mai anadilaangi, gi ulu di King Aamua gi lodo!

¹⁰Di King Aamua deenei la koai? Go Dimaadua di Gowaa Aamua, go Mee dela go di King Aamua!