Mbouŋ To Yes Israela 24:6-10

⁶Zeran tauvene tizuari zi pa Maaron. Yes tighe tila tivot to Maaron to Yakop naagho, ve tisuŋ pani.

⁷O yam ataman, akaak ve tinimim izaa. Yam ataman to muuŋ geeg, tinimim izaa, ve akaak le akaak kat. Leso sooso irau kinik tau eeza tiina pa tapiri ve poia tooni na itaghoni iloŋ ila.

⁸Laak, kinik tau eeza tiina pa tapiri ve poia tooni na, ene sei? Ene Yoova. I saksaki, ve tapiri tiina. Ve i irau kat pa ghamuuŋ malmal.

⁹O yam ataman, akaak ve tinimim izaa. Yam ataman to muuŋ geeg, tinimim izaa, ve akaak le akaak kat. Leso sooso irau kinik tau eeza tiina pa tapiri ve poia tooni na itaghoni iloŋ ila.

¹⁰Laak, kinik tau eeza tiina pa tapiri ve poia tooni na, ene sei? Ene Yoova. I Maaron saksaki, ve iŋgin gabua naol isov. Onoon kat, i kinik tau eeza tiina pa tapiri ve poia tooni.