Pisalem 17:9-14

⁹gi daha mo nia hai o digau huaidu. Nia hagadaumee daaligi dangada gii made e haganiga mai i dogu gili.

¹⁰Deai tumaalia i baahi digaula ai, gei digaula e helehelekai hagamuamua.

¹¹Digaula gu haganiga au dolomeenei, e gologolo au belee hudu gi lala, i dogu madagoaa ma gaa mmada gi daha.

¹²Digaula e hai gadoo be nia laion, e talitali au belee hahaahi hagaligiligi.

¹³Meenei Dimaadua, hanimoi! Hai baahi gi ogu hagadaumee, gei gi hagamagedaa ina digaula! Daawa ina au gi daha mo digau huaidu gi dau hulumanu dauwa.

¹⁴Haga dagaloaha ina au gi daha mo digau ala gu hai mee gi nia mee huogodoo ala e hiihai ginai ginaadou i henuailala. Daaligidia digaula gi taaligi dela gu haga togomaalia Kooe gi digaula. Heia nia dadaaligi gi dohu anga gi nadau dama, mo e wanga labelaa gi nia dama o nia dama digaula.