Pisalem 145:1-6

¹Meenei dogu God dela go di King, au ga hagadele di hai oo mahi aamua, gei au ga danggee adu gi di Goe i nia madagoaa huogodoo gaa hana hua beelaa.

²Nia laangi huogodoo, gei au ga danggee adu gi di Goe, gei au ga hagaamu Goe gaa hana hua beelaa.

³Dimaadua e aamua ge humalia belee hagaamu giibeni, tangada e iloo ia tamanaiee aamua o Maa ai.

⁴Nia daangada ga haga modongoohia au mee huogodoo ala ne hai ang gi di adu dangada nomuli, gei digaula ga hagaamu o mogobuna. Digaula ga hagadele di hai o au hegau mogobuna.

⁵Digaula ga helehelekai i di hai o do madamada mo do aamua dee odi. Gei au ga hagabaubau huoloo i o hangaahai haga goboina huoloo.

⁶Nia daangada huogodoo ga helehelekai i di hai o nia mee huogodoo ala ne hai gi o mogobuna, gei au ga hagadele di hai o do maaloo aamua.