Pesalem 99:2-8

²Apômtau kêtu ŋac kapôêŋ aŋga Sion. Eŋ ŋatau kêlêlêc tenteŋlatu samob su.

³Lau samob sêlambiŋ ênê ŋaê towae to ŋaclai kaiŋ teŋ gebe eŋ ŋac dabuŋ.

⁴O kiŋ toŋaclai, aôm têmtac gêwiŋ biŋgêdêŋ. Aôm kôwaka ŋagôliŋ gêdêŋ sa ma kômêtôc biŋ kêtu katô aŋga Jakobnê.

⁵Atoc Apômtau, aêacnêŋ Anôtô sa ma au taôm naanêc taoŋ, taŋ akaiŋ kêka tôŋ naŋ, gebe eŋ ŋac dabuŋ.

⁶Mose agêc Aron têtu ênê dabuŋwaga, ma Samuel gêmoa gêwiŋ êsêac, taŋ aweŋ gêôc ênê ŋaê naŋ. Êsêac aweŋ gêjac eŋ, tec eŋ kêkêŋ taŋa êsêac.

⁷Eŋ gêmoa tao ŋalêlôm ma kêsôm biŋ gêdêŋ êsêac. Êsêac sêmasaŋ ênê biŋsu to biŋ, taŋ eŋ kêjatu gêdêŋ êsêac naŋ.

⁸O Apômtau, aêacma Anôtô, aôm kôkêŋ taŋam êsêac. Aôm Anôtô kôsuc êsêacnêŋ biŋ ôkwi ma gôjac êsêac kêtu sêgôm kesoŋa.