33Mago gabe jaŋgamiŋ ŋoc moasiŋ êndêŋ Dawid atom ma jansa ŋoc biŋ ŋaŋêŋ auc êndêŋ eŋ atomanô.
34Aê gabe jaŋgôm ŋoc poac êtu biŋ lêlêŋa atom ma janam biŋ, taŋ aocsuŋ kasôm lasê naŋ, ôkwi atom.
35“Aê ŋac dabuŋ, tec katôc lemoc sa kêpi tauc katu dim tageŋ gebe jansau Dawid teŋ atomanô.
36Ênê gôlôac oc sêmoa endeŋ tôŋgeŋ. Ênê lêpôŋ êtôm oc, taŋ kêkô aê laŋôcnêm naŋ.
37Eŋ oc êmoa endeŋ tôŋgeŋ êtôm ajôŋ, taŋ kêtôm gêwa-biŋ-tau-sawaga ŋaŋêŋ aŋga tao lôlôcŋa naŋ.”
Pesalem 89
Pesalem 89:33-37