51Eŋ gêjac ŋapalê ŋamêc samob êndu aŋga Aiguptu, Lau matac samob nêŋ ŋamêc sêjaŋa aŋga Hamnê bec.
52Go gêwê nê lau sêsa sêmêŋ têtôm ŋacgejob gêwê nê domba ma gêjam gôliŋ êsêac aŋga gamêŋ sawa kêtôm domba pom kapôêŋ teŋ.
53Eŋ gêwê êsêac sêmoa ŋaŋêŋgeŋ e têtêc tauŋ atom, mago kêkêŋ gwêc kêmakop êsêacnêŋ ŋacjo auc.
54Amboac tonaŋ gêwa êsêac e sêô lasê ênê gamêŋ dabuŋ, sêô lasê lôc, taŋ eŋ lêma anôŋa kêkôc kêtu nê gêŋ naŋ.
55Eŋ gesoc lau samuc sêmuŋ-sêmuŋ ma kêkêŋ Israelnêŋ gôlôacmôkê sêŋgôŋ lau tau nêŋ gamêŋ.
56Mago êsêac sêsaê Lôlôc Ŋatau Anôtô to sêli tauŋ sa ŋapaŋ ma sêsap ênê biŋsu tôŋ atom.