Pesalem 76:6-12

⁶O Jakobnê Anôtô, aôm gôjam wambaŋ e kômônaŋ kareta to gôgôm hosnêŋ meloco kêsa.

⁷Aôm embe têmtac ŋandaŋ êsa ma asa oc êkô aôm laŋômnêm gebe aôm ŋaclai sec.

⁸Aôm kôsôm biŋ katô aŋga undambê gobe ômêtôc biŋ, tec lau nomŋa sêŋô e gêjac êsêacnêŋ lênô auc sêŋgôŋ.

⁹Gêdêŋ tonaŋ Anôtô gêdi gebe êmêtôc biŋ gebe êôc lau samob, taŋ sêôc gêŋwapac aŋga nom naŋ sa.

¹⁰Ŋamalacnêŋ têntac ŋandaŋ oc êŋgôm aôm waem êtu tapa. Ma êsêac, taŋ sêwê siŋ sa naŋ, oc sêlic nêm om.

¹¹Anac mata biŋ ma aŋgôm ŋanô êsa êndêŋ Apômtau, amacnêm Anôtô. Lau samob, taŋ sêŋgôŋ sêgi eŋ auc naŋ, sênsuŋ nêŋ gêŋ êndêŋ Anôtô, taŋ têtêc eŋ naŋ.

¹²Ŋac tau kêkôniŋ kasêga, taŋ tetoc tauŋ sa naŋ, ma kêtakê kiŋ kapôêŋ-kapôêŋ ŋasec.