Pesalem 74:12-22

¹²Mago Anôtô kêtu aêŋoc kiŋ gêdêŋ andaŋgeŋ tauanô. Eŋ gêjam ŋamalac sa kêtôm nom ŋagamêŋgeŋ.

¹³Aôm gôwa gwêc kakôc ŋa nêm ŋaclai kapôêŋ ma golo secsêga gwêcŋa môkêapac popoc.

¹⁴Aôm gôga bôcsêga Lewiatan môkêapac kêkôc ma kôkêŋ eŋ ôli kêtu bôc gamêŋ sawa nêŋ.

¹⁵Aôm kôkêŋ bumata kêpulu to keseleŋ. Aôm gôwa bu kapôêŋ-kapôêŋ gêŋgic-gêŋgic e ŋakeleŋ kêsa samucgeŋ.

¹⁶Aôm kôtu geleŋŋa ŋatau. Aôm kôtu gêbêcauc ŋatau. Aôm tec kotoc ajôŋ to oc sêkô maleŋ.

¹⁷Aôm gôjac lôcawa nom e gêdêŋ ŋamadiŋ. Aôm kôkêŋ oc kêsa to komôgoc.

¹⁸O Apômtau, taêm ênam gebe nêm ŋacjo sêômac aôm. Êsêac sêkac tauŋ su aŋga aômnêm ma sêgôm nêm ŋaê kêtu gêŋ meloc.

¹⁹Ôwi nêm balôsinê katu siŋ êndêŋ kikic atom. Ôliŋ aômnêm lau ŋasec nêŋ katuŋ siŋ samucgeŋ atom.

²⁰Matam êndiŋ nêm poac, taŋ kômoatiŋ gawiŋ aêac naŋ, gebe ŋaclai sec gêjam gamêŋ ŋakesec nomŋa samob auc.

²¹Ôkêŋ ŋac, taŋ gêôc gêŋwapac naŋ, maja êsa atom. Lau ŋalêlôm sawa to lau ŋasec aweŋ êôc nêm ŋaêmaŋ.

²²O Anôtô, ôndi sa ma ônam nêm gêŋ kêsimaŋ. Taêm ênam biŋ meloc, taŋ lau alôb-alôbwaga sêgôliŋ kêpi aôm kêtôm bêc to geleŋgeŋ.