Pesalem 62:2-7

²Eŋ taugeŋ kêtu ŋoc poclabu ma ŋoc gêjam-sawaga. Eŋ kêtu ŋoc laimôkê, tec oc jaku sa samucgeŋ atom.

³Amac samob aboa taôm sa api ŋac tageŋ abe aku eŋ tulu amboac tuŋ, taŋ kêôpac kwanaŋgeŋ naŋ, e êndêŋ ondocgeŋ.

⁴Êsêac taêŋ gêjam biŋ tageŋ tonec gebe têtiŋ eŋ aŋga nê lêpôŋ. Êsêac têntac gêwiŋ biŋdansaŋ. Aweŋsuŋ gêjam mec, mago nêŋ ŋalêlôm kêpuc boa.

⁵O ŋoc katuc, ôôŋ Anôtô ŋaŋêŋgeŋ gebe eŋ kêtu aê kakêŋ matoc ŋamôkê.

⁶Eŋ taugeŋ kêtu ŋoc poclabu ma ŋoc gêjam-sawaga. Eŋ kêtu ŋoc laimôkê, tec oc jaku sa atom.

⁷Anôtô kêtu ŋoc moasiŋ to waec ŋamôkê. Anôtô kêtu ŋoc poctêna, taŋ gaê lamu naŋ.