Pesalem 34:7-10

⁷Apômtaunê aŋela kêpiŋ êsêac, taŋ têtêc eŋ naŋ auc ma gêjam êsêac sa.

⁸Ansaê ênac awem to ajala gebe Apômtau eŋ ŋac gabêjam ŋanô. Aweŋ êôc samob, taŋ sê lamu eŋ naŋ.

⁹Amac taŋ atu Apômtaunê lau dabuŋ naŋ, atêc eŋgeŋ. Gebe êsêac, taŋ têtêc eŋ naŋ, oc sêpô lêna gêŋ teŋ atom.

¹⁰Lewe ŋalatu tauŋ oc sêpô lêna ma mo oc êjô êsêac, mago êsêac, taŋ sensom Apômtau naŋ, oc seso gêŋ ŋajam teŋ atom.