Pesalem 31:18-24

¹⁸Ômbôc gêdôŋôlic dansaŋ auc. Êsêac tetoc tauŋ sa ma sêsôm ŋac gêdêŋ nê bôlêŋ paliŋ e sêgôm eŋ wae kêtu sec.

¹⁹Aôm gôjac nêm moasiŋ sa gêjam sêga kêtu lau, taŋ têtêc aôm naŋŋa, ma kômoasiŋ lau, taŋ sê lamu aôm naŋ, ma lau samob sêlic gêdêŋ mateŋanô.

²⁰Aôm kôpiŋ êsêac auc ŋa laŋômanô gêdêŋ ŋamalacnêŋ poac. Aôm kôsiŋ êsêac ôkwi sêŋgôŋ bec teŋ gebe imbeleŋ ênac êsêac atom.

²¹Aoc gêôc Apômtau, gebe eŋ kêtôc nê têtac gêwiŋ teŋgeŋŋa gêdêŋ aê gêdêŋ taŋ sêgi aê auc sebe sêku aê tulu naŋ.

²²Aê katêc tauc ŋanôgeŋ ma taêc gêjam gebe “Aôm tec kôtiŋ aê su aŋga laŋômnêmŋa.” Mago aôm gôŋô aêŋoc taŋiboa kapôêŋ gêdêŋ taŋ aoc gêjac aôm gebe ônam aê sa naŋ.

²³Amac akêŋ-gêwiŋwaga samob, têmtac êwiŋ Apômtau. Apômtau gejob lau-ŋaŋêŋwaga ma êkêŋ ŋagêjô êlêlêc su êndêŋ lau-tetoc-tauŋ-sawaga.

²⁴Amac samob, taŋ asaê Apômtau amoa naŋ, akô ŋajaŋa totêmtac êpa sugeŋ.