Pesalem 140:5-11

⁵Tetoc-tauŋ-sawaga sêwa lakô kêtu aêŋa. Êsêac sêkic uc gêjac intênataligeŋ ma sêwa lip kêtu aêŋa gebe ênac aê.

⁶Aê kasôm gêdêŋ Apômtau gebe “Ŋoc Anôtô aôm.” O Apômtau, ôkêŋ taŋam ŋoc taŋi kapôêŋ

⁷O Apômtau, ŋoc Anôtô, ŋoc ŋac, taŋ gôjam aê sa ŋajaŋa naŋ. Aôm kôtu ŋoc lamu gêdêŋ noc siŋŋa.

⁸O Apômtau, ôkêŋ biŋ, taŋ lau alôb-alôb taêŋ gêjam to kêkac êsêac naŋ, ŋanô êsa atom. Onseŋ biŋ, taŋ sêkic kêtu aêŋa naŋ su.

⁹Ôkêŋ ŋoc ŋacjo sêku aê tulu atom ma biŋ, taŋ sêkic kêtu aêŋa naŋ, êpi êsêac tauŋ.

¹⁰Eŋ êkêŋ ŋalana ênsêlô êpi êsêac tauŋ. Eŋ êtiŋ êsêac sêsêp sêlêlôm sêna e dêndi sa êtiam atom.

¹¹Ŋac-gêga-biŋwaga oc êmoa naeo. Ma gêŋwapac oc epeŋ ŋac toŋaclai sec naŋ, piŋpoap-piŋpoap e ênaŋa.