Pesalem 139:12-16

¹²mago aôm oc ôlic ŋakesec amboac ŋakesec atom. Ôlic gêbêcauc amboac eleŋŋa ma ŋakesec amboac ŋawê.

¹³Aôm taômgeŋ tec kôkêŋ aêŋoc ŋalêlôm ma kôlêsôb aê aŋga tinoc têtaclêlôm.

¹⁴Aê gajam daŋge aôm gebe kôkêŋ aê ŋamêtê kaiŋ teŋ. Aêŋoc katuc kêjala gebe aômnêm gêŋ, taŋ gôgôm naŋ, kêtu gêŋsêga kaiŋ teŋ.

¹⁵Aôm kôjala ŋoc ŋatêkwa ŋasec-ŋasec samob gêdêŋ taŋ kôkêŋ aê kelec-kelec kôsiŋgeŋ ma kôlêsôb aê aŋga tinoc têtaclêlôm.

¹⁶Matamanô gôlic aê gêdêŋ taŋ aê ŋanô kêsa atomgeŋ ma koto ŋoc bêc, taŋ taêm gêjam gebe jaŋgôŋŋa naŋ, gêc nêm buku kwanaŋgeŋ. Gôgôm gêmuŋ kêsêp ŋasawa, naŋ ŋoc bêc teŋ mêŋkêsa atomanô naŋ.