Pesalem 136:13-20

¹³Eŋ gêwa Gwêckoc kêkôc gêja luagêc. Biŋŋanô, ênê moasiŋ ênêc endeŋ tôŋgeŋ.

¹⁴Eŋ gêwê Israel sêsêp ŋalêlôm sêja. Biŋŋanô, ênê moasiŋ ênêc endeŋ tôŋgeŋ.

¹⁵Eŋ kêtiŋ Parao to nê lausiŋ sêsêp Gwêckoc ŋalêlôm ma sênôm gwêc su. Biŋŋanô, ênê moasiŋ ênêc endeŋ tôŋgeŋ.

¹⁶Eŋ gêwê nê lau sêmoa gamêŋ sawa. Biŋŋanô, ênê moasiŋ ênêc endeŋ tôŋgeŋ.

¹⁷Eŋ gêjac kiŋ toŋaclai êndu. Biŋŋanô, ênê moasiŋ ênêc endeŋ tôŋgeŋ.

¹⁸Ŋac tau, taŋ gêjac kiŋ towae êndu naŋ. Biŋŋanô, ênê moasiŋ ênêc endeŋ tôŋgeŋ.

¹⁹Eŋ gêjac lau Amor nêŋ kiŋ Sihon êndu. Biŋŋanô, ênê moasiŋ ênêc endeŋ tôŋgeŋ.

²⁰Eŋ gêjac Basan ŋakiŋ Og êndu. Biŋŋanô, ênê moasiŋ ênêc endeŋ tôŋgeŋ.