Panultihon 23:12-18

¹²Ibutang sa imong kasingkasing ang pagpanudlo ug sa imong mga dalunggan ang mga pulong sa kahibalo.

¹³Ayaw pagdumili sa pagpanton sa usa ka bata, kay kung latoson nimo siya ug bunal, dili siya mamatay.

¹⁴Kinahanglan nga ikaw gayod ang molatos kaniya pinaagi sa bunal ug moluwas sa iyang kalag gikan sa Seol.

¹⁵Akong anak nga lalaki, kung maalamon ang imong kasingkasing, nan ang akong kasingkasing magmaya usab;

¹⁶malipay ang akong kinasuloran sa dihang ang imong mga ngabil magsulti ug husto.

¹⁷Ayaw itugot nga masina ang imong kasingkasing sa mga makasasala, apan padayon diha sa pagkahadlok kang Yahweh sa tibuok adlaw.

¹⁸Sigurado gayod nga adunay kaugmaon ug dili mahanaw ang imong paglaom.