Olcueih 2:6-21

⁶BOEIPA long tah a ka dong lamkah cueihnah ni mingnah neh lungcuei la a paek.

⁷Aka thuem ham tah lungming cueihnah khaw a khoem a khoem pah tih thincaknah neh aka cet ham photling la om.

⁸Tiktamnah kah caehlong te a kueinah tih a hlangcim, hlangcim kah longpuei tah a ngaithuen pah.

⁹Te daengah ni duengnah, tiktamnah, vanat la namtlak then boeih te na yakming eh.

¹⁰Cueihnah te na lungbuei khuila ha kun vaengah mingnah loh na hinglu te a hmae sak ni.

¹¹Thuepnah loh nang te n'ngaithuen vetih lungcuei loh nang n'kueinah.

¹²Boethae longpuei lamkah khaw, calaak ol aka thui hlang taeng lamkah khaw nang ng'huul ni.

¹³Hmaisuep longpuei ah pongpa hamla, a dueng caehlong a toeng.

¹⁴Boethae saii ham ko aka hoe loh boethae calaak dongah omngaih uh.

¹⁵A caehlong aka paihaeh sak rhoek loh a namtlak ah kho a hmang.

¹⁶Kholong hlanglak nu taeng lamkah neh anih kah hoem ol khui lamloh nang aka huul ham ni.

¹⁷A camoe kah a boeihlum te a hnoo tih a Pathen kah paipi te a hnilh.

¹⁸A imkhui khaw duek hamla a namtlak khaw sairhai taengla ngooi coeng.

¹⁹Anih taengla aka pawk boeih tah ha mael uh voel pawt dae hingnah caehlong khaw kae uh hae pawh.

²⁰Te daengah ni hlang then longpuei ah na pongpa vetih hlang dueng kah caehlong khaw na ngaithuen eh.

²¹Aka thuem rhoek long tah khohmuen te kho a sak uh thil vetih a khuiah kodam la sueng uh ni.