Numbers 13:10-18

¹⁰Jupulunu-kurlangu-jangkaju milarnu Katiyulu, Jaardi-kirlangu kaja-nyanu.

¹¹Manaja-kurlangu-jangkaju milarnu Kaardudu, Juuji-kirlangu kaja-nyanu. (Manajaju Jujupu-kurlangu kaja-nyanu.)

¹²Taanu-kurlangu-jangkaju milarnu Yamilu, Kimali-kirlangu kaja-nyanu.

¹³Yaaja-kurlangu-jangkaju milarnu Jiijuru, Mayikulu-kurlangu kaja-nyanu.

¹⁴Napatali-kirlangu-jangkaju milarnu Naapi, Papiji-kirlangu kaja-nyanu.

¹⁵Kaardu-kurlangu-jangkaju milarnu Kiwulu, Maki-kirlangu kaja-nyanu.

¹⁶Nyampurranya yirdi-watiji wati-patu-kurlanguju yangka kuja-jana Mujujurlu milarninjarla yilyaja Kanana-kurra warru nyanjaku. (Mujujurlurla Yuujiyaku Nuunu-kurlangu kaja-nyanuku yirdi-kari yungu Jajuwa.)

¹⁷(Yinya-puruju marnikiji-piyalpa yirnmi-jarrinja-yanulku ngarninjaku.) Kanana-kurra yilyanjakungarntiji, Mujuju-jana wangkaja, “Yantalu yatijarra Kanana-kurra. Kajinkili yukamirra yinya-kurra, yantalu pirli-patu-kurra-pinangu.

¹⁸Nyangkalu warru nyiyarningkijarra kuja-ka karri yinyarla. Nyiya-piya yinyaju walya? Nyajangu kalu yapaju nyina yinyarlaju? Pirrjirdi mayi, marda rampaku?