Ntendwa 22:15-23

¹⁵Kwaivyo nautende mukuzi ywakwe kugambila chila yumwenga chiya uwone nakwiva.

¹⁶Elo haluse, wagoja mbwani? Chimala ubatizwe chani masa yako yauswe ukalombeza kwa zina dya Zumbe.’

¹⁷“Nasuya Yelusalemu, umo halombeza mwe Nyumba nkulu ya Chohile, nasilota sozi ya msi,

¹⁸umo simwona Zumbe, akanigambila, ‘Sunguza uhalawe Yelusalemu, kwaviya wantu wa hano hawauzumile ukuzi wako.’

¹⁹Sihitula, ‘Zumbe, wavimanya vyedi vidala kugamba nasita kwe nyumba zo kuvikila kugwila nakuwatowa wadya nawakakuzumila.

²⁰Naho umo mukuzi wako Sitefano akakomwa, miye mwenye naniyaho, kuwona file yakwe nakusinya suche za wakomi wakwe.’

²¹Zumbe anigamba, ‘Hita, na husigile hale vidala kwa sawo Wayahudi.’ ”

²²Wantu wamwetegeleza Paolo kubula akalonga vino, mna niyo wakonga kuguta kwa izwi dya kulanga, “Mlavyeni! Mkomeni! Hakungwa ekale!”

²³Nawakaguta, wakadula suche zawo, nakudula tifili kulanga.