Apostolo 22:15-23

¹⁵I ngaru mavonga, a vuhuna ioe go vakalongo e huriki lobo na maki o matai, o longo.

¹⁶Pali ngane a ra o davea? O pesi rike, o luhoi torea a rana, ni gi vahilolo vuroki a naro hale vomu.’

¹⁷“Muri, na tahuna a hamule lakea o Ierusalem, a vasileki na roho na Vure, a masia na vuregu tara maki.

¹⁸A masia e Bakovi Dagi i ta turagu, i ta maea, ‘O malaviriri! Ngane kunana o pea e Ierusalem o vano, a vuhuna e huriki koea ri marikoi ni longo ioe go vakalongo a nitagu koea.’

¹⁹“Lakea a koli, a ta maea, ‘Bakovi Dagi, e huriki a bakovi nga ri lohoka vona iau a laho pagepolo vano na maka roho na vaponga, a lakavu, a ru dili na bavi, a ubi e huriki ri luhoi tora ioe.

²⁰Ri lohoka vona a do rike e huriki na tahuna ri rabalakia a vora vomu e Stepan, a matakari a maka varakia ne huriki ri padimatea na kedo.’

²¹“Muri e Bakovi Dagi i taki iau i ta maea, ‘O vano ngane, ga rudu basi ioe, go lakea ne huriki a viri i uka ma ria a Iuda.’”

²²I muga e huriki a Iuda nga ri made madoru, ri longo a ngavane Paulus. Pali na tahuna i taki a Vure i rudua ge lakea ne huriki i uka ma ria a Iuda, ri magulu rike lobo, ri ta maea, “Mu rabalakia! A bakovi iea i uka ma i kara ge made na malala!”

²³Ri magulu taku, ri kali tala a varakia ne ria, ri voro lae, ri voro rike viliha a habulo.