Njon 12:46-48

⁴⁶Obum wakl kakl, Nim su ngon bao ora habur, tenaol mendbor nil hul ha haklemi baeben em hundur wi bor nao haen ko obowao ora kisesa.

⁴⁷Njisesom ngub kobur kakl, Tenaol mondom ngubi tomb nao angal bib hobao sao nda pangobur o, angal ngom ngo sao ngo sao bibi ke wiyao ub hul habur nao ba sin di nim obu bor te nao mao bemberaklwao ora. Aoh, nim sun tenaol hambun te mao bembera taol buklbur inj obowao ka. Ngub inj, nim mbini bisur bu, bu muklbur obowao kisesa.

⁴⁸Wakl kakl, Tenaol mondom di ni mesao njubur nao angal bib hobao sao ngo makl homo nao panga sin, nim inj, obu ngo saom ora te mao sara taol buklao ka. Nao angal ngubi tomb ngo ko hae om ora, mabor bao bu kowes ora buklao on obu te mao sara taol buklao ora kisesa.