Huan 12:46-48

⁴⁶Nighondini a to soin no kalibutan oyow koddi ka igbat-ow to doromdom now oyow sikan no otow no nigtuu koddi, kono din layun og-ugpo to marusilom.”

⁴⁷“Ko duon otow no ogpamminog to ig-anad ku, di kono din ogtumanon, kono no sikoddi ka ogboboot kandan. Wara a nighondini to oyow ogboot to mgo otow kai to soin no kalibutan. Nighondini ad oyow ogkapangabangan ku ka mgo otow.

⁴⁸Sikan no mgo otow no og-iniugan a ran no kono dan ogtumanon ka kagi ku, duon ogboot kandan woy oglogpad uromo. Ka kagi ku no innangon ku kaniu, sikan ka ogboboot kandan to mohuri no allow.