Ni Gi 1:9-54

⁹Na kabu ne Sebulun, muru bolea e Eliab, e tune Helon.

¹⁰Ne tune Iosep na kabu ne Epraim, muru bolea e Elisama, e tune Amihud. Na kabu ne Manase, muru bolea e Gemaliel, e tune Pedasur.

¹¹Na kabu ne Bensamin, muru bolea e Abidana, e tune Gideoni.

¹²Na kabu ne Dan, muru bolea e Ahieser, e tune Amisadai.

¹³Na kabu ne Aser, muru bolea e Pagiel, e tune Okran.

¹⁴Na kabu ne Gad, muru bolea e Eliasap, e tune Deuel.

¹⁵Na kabu ne Naptali, muru bolea e Ahira, e tune Enan.”

¹⁶Re huriki nga ni vulaki tala na vaponga. Ria e huriki a nupesi na maka kabu ne Israel.

¹⁷E Moses e Aron ru bole a gare nga ni vulaki.

¹⁸Na mugana parava na ruana keva ri vapopo, lakea e huriki a gare ri gi palupu e huriki a bakovi ri tahoka a pida i ravulu rua i rike. Ri here na kabu ne tamane ria a rane ria,

¹⁹i ramai a ngava e BAKOVI DAGI i vakuku e Moses vona. Na tahuna e Moses i gi palupu a rane ria, e huriki a Israel ri made na tabeke i ngeki ne Sinai.

²⁰Na kabu ne Reuben, ra tabua ne Israel, ri bole e huriki a bakovi ri tahoka a pida i ravulu rua i rike, ge ria a nugumaheto. Ri here a rane ria i ramai a kabu ne tamane ria.

²¹E huriki a bakovi na kabu ne Reuben, ni gi palupu lobo ri ala 46,500.

²²Na kabu ne Simion, ri bole e huriki a bakovi a pida ne ria i ravulu rua i rike, ge ria a nugumaheto. Ri here a rane ria i ramai a kabu ne tamane ria.

²³E huriki a bakovi na kabu ne Simion, ni gi palupu lobo ri ala 59,300.

²⁴Na kabu ne Gad, ri bole e huriki a bakovi a pida ne ria i ravulu rua i rike, ge ria a nugumaheto. Ri here a rane ria i ramai a kabu ne tamane ria.

²⁵E huriki a bakovi na kabu ne Gad, ni gi palupu lobo ri ala 45,650.

²⁶Na kabu ne Iuda, ri bole e huriki a bakovi a pida ne ria i ravulu rua i rike, ge ria a nugumaheto. Ri here a rane ria i ramai a kabu ne tamane ria.

²⁷E huriki a bakovi na kabu ne Iuda, ni gi palupu lobo ri ala 74,600.

²⁸Na kabu ne Isikar, ri bole e huriki a bakovi a pida ne ria i ravulu rua i rike, ge ria a nugumaheto. Ri here a rane ria i ramai a kabu ne tamane ria.

²⁹E huriki a bakovi na kabu ne Isikar, ni gi palupu lobo ri ala 54,400.

³⁰Na kabu ne Sebulun, ri bole e huriki a bakovi a pida ne ria i ravulu rua i rike, ge ria a nugumaheto. Ri here a rane ria i ramai a kabu ne tamane ria.

³¹E huriki a bakovi na kabu ne Sebulun, ni gi palupu lobo ri ala 57,400.

³²Ne huriki a hamone Iosep, ra kabu ne Epraim, ri bole e huriki a bakovi a pida ne ria i ravulu rua i rike, ge ria a nugumaheto. Ri here a rane ria i ramai a kabu ne tamane ria.

³³E huriki a bakovi na kabu ne Epraim, ni gi palupu lobo ri ala 40,500.

³⁴Na kabu ne Manase, ri bole e huriki a bakovi a pida ne ria i ravulu rua i rike, ge ria a nugumaheto. Ri here a rane ria i ramai a kabu ne tamane ria.

³⁵E huriki a bakovi na kabu ne Manase, ni gi palupu lobo ri ala 32,200.

³⁶Na kabu ne Bensamin, ri bole e huriki a bakovi a pida ne ria i ravulu rua i rike, ge ria a nugumaheto. Ri here a rane ria i ramai a kabu ne tamane ria.

³⁷E huriki a bakovi na kabu ne Bensamin, ni gi palupu lobo ri ala 35,400.

³⁸Na kabu ne Dan, ri bole e huriki a bakovi a pida ne ria i ravulu rua i rike, ge ria a nugumaheto. Ri here a rane ria i ramai a kabu ne tamane ria.

³⁹E huriki a bakovi na kabu ne Dan, ni gi palupu lobo ri ala 62,700.

⁴⁰Na kabu ne Aser, ri bole e huriki a bakovi a pida ne ria i ravulu rua i rike, ge ria a nugumaheto. Ri here a rane ria i ramai a kabu ne tamane ria.

⁴¹E huriki a bakovi na kabu ne Aser, ni gi palupu lobo ri ala 41,500.

⁴²Na kabu ne Naptali, ri bole e huriki a bakovi a pida ne ria i ravulu rua i rike, ge ria a nugumaheto. Ri here a rane ria i ramai a kabu ne tamane ria.

⁴³E huriki a bakovi na kabu ne Naptali, ni gi palupu lobo ri ala 53,400.

⁴⁴E huriki a nugumaheto nga, e Moses e Aron, ru gi palupu. E huriki a nupesi ala ravulu a polona i rua (12) ne Israel, ri kori rua na leho iea ni here puru a rane ria.

⁴⁵A bakovi a pida ne ria i ravulu rua i rike, ri kara ni tuhori a tara na vabinga ne Israel. Ni here a rane ria i ramai a kabu ne tamane ria.

⁴⁶E huriki a bakovi, ni gi palupu lobo ri ala 603,550.

⁴⁷Na tahuna ni here puru a rane huriki, e huriki a bakovi na kabu ne Levi i uka ma ni here a rane ria,

⁴⁸a vuhuna e BAKOVI DAGI i takia e Moses i ta maea,

⁴⁹“Na tahuna o here puru a rane huriki a Israel, naha ni here a rane huriki a bakovi na kabu ne Levi. Naha ni gi ria.

⁵⁰Pali, o habi a leho ne ria ri gi matakari a kape na Ngava Dagi turana a maka mahalana, ri gi rata a leho ne ria. Ri gi kalohoa a kape turana a maka mahalana, ri gi matakari. A maka kape ne ria ri gi vakapesi halui na kape nau.

⁵¹Na tahuna mu mariu tala na mada mu gu lakea na mada tara, e huriki a bakovi ne Levi kunana ri gi pukea a kape, ri gi kaloho a maka mahalana. Na tahuna mu rata a mada karaba, ria kunana ri gi vakapesia a kape. E huriki na kabu ranga nahea ri gi valai tabukoi na kape. E rei a viri ge rata mavonga, mu rabalakia.

⁵²A kabu ranga ne Israel ri gi vapopo turana kabu ne ria, ri gi vakapesi maka kape ne ria, ri gi vakabebe a kilakila na kabu takutaku ne ria.

⁵³Pali e huriki na kabu ne Levi ri gi vakapesi haluia a kape na Ngava Dagi, a maka kape ne ria ri gi tagaria, ma ge valai tabukoi vona tara viri, ge rata iau ga tahate ga vakabele a vuranga ne mua a Israel.”

⁵⁴Lakea e Moses i vakalongo e huriki a Israel vona a ngava iea, ri rata a maka maki i manga a ngava e BAKOVI DAGI i vakuku ia vona.