Namba 21:18-23

¹⁸Ol hetman na ol bikman i save holim stik hetman na stik bilong wokabaut na ol i digim ol dispela hul wara.” Orait bihain ol i lusim dispela ples drai na ol i go long ples Matana.

¹⁹Na ol i lusim Matana na ol i go long ples Nahaliel, na bihain ol i lusim Nahaliel na i go long ples Bamot.

²⁰Na ol i lusim Bamot na i go long dispela ples daun long kantri Moap i stap klostu long maunten Pisga. Long dispela hap ol man i ken lukluk i go long ples drai.

²¹Bihain ol Israel i salim tok i go long Sihon, king bilong ol Amor. Ol i tok olsem,

²²“Mipela i laik bai yu larim mipela i wokabaut i go long kantri bilong yu. Mipela i no inap lusim rot na kalap i go long ol gaden kaikai na gaden wain bilong yupela. Na bai mipela i no ken dringim wara long ol hul wara bilong yupela. Mipela bai i bihainim bikrot tasol inap mipela i lusim kantri bilong yupela.”

²³Tasol King Sihon i no laik larim ol Israel i wokabaut long kantri bilong en. Em i bungim ol soldia bilong en na ol i go long taun Jahas long ples drai na pait long ol Israel.