Mitiyegec 130:1-8

¹Hombannu kekenggac yegec. O KEBU, ni ubaebicnagoc emu keme kemeau isoc kecma kpacguduae.

²Kebu, ge enacudumenna negemma kedzac kpena. Kpesi kpesina gearu hade.

³O KEBU, ge kopocsicnina kicgau arenggema negenna febacfu ngic mongngo serima naric mi kecbac.

⁴Nga gearu sifu kopocsic wawa fedeac eweheiheigoc hoanggubesonga.

⁵Ni KEBUAC tomai kecduae. Ubaonganango tomai kefu ni yeac yoac negensikecma fora fingerudeac tomai kecduae.

⁶Tofocnacgareng yeneng asoac haudeac tomai kecandae, ni yeni feracyunuma ubaonganango KEBUAC tomai kecduae. Ni yeac tomai kecduae amma monggoc ferahama tomai kecduae.

⁷KEBUNGO yoac dedzege amma imoc modarude. O Israe, ge KEBU negensima fora fingerudeac tomai kecna. Yeng bummenunudacma ebicfunac mesinunuudeac kuc engena femide.

⁸Israe areng yeni ngicngac ogofocngina memanganeyunuma kopocsicnginagoc anggec. Nga yennoc bummeyunuma manganameme fakanginaunac mesiyunuude.