Mitiyegec 120:2-7

²O KEBU, ngic goa enacbibicngina ikohagoc nga nedzarangnginaunac ngic ogofocngina tobangyunugecdeac yoac maande, ge yenearunac mesinuna.

³Nedzarang ge ngicngac tobangyununadeac yoacgoc kecnec, ge yoacna negenna. Ge noc wiac anggembesonga? Amma geac turunga noc wiac gembesonga?

⁴Wasaingic yeneac tebemedaha nga icngina gerecyohohagoc, imoc genggecde.

⁵Ni nocac Meseke bangecfu kuric kecduae nga Kedare yeneac kporucbedzoac botucfu kecduae.

⁶Ngicngac ruaeac modzongina tiande, ngic ifia yenigoc naso hereangoc kefaiac modzona tide.

⁷Ni ruaengic nga ruaeyoac deba yeneng ine dzikacac ngic andae.