Mbouŋ To Yes Israela 120:2-7

²O Yoova, yes tau avozi karom, ve yamazi itortoor saveeŋ na, upaghau ghau pazi.

³Yam tau yamamim itortoor saveeŋ na, mindai? Yam aghe awatagh saa ŋgar tau pale Yoova igham payam, ve atuya tau pale iŋarui gham?

⁴Ene poia. Alooŋ. I pale ivanegh gham pa paneegh tooni natŋa tau matazi kat. Ve yav ŋgilaaŋi tau siŋsiŋaaŋ kat na pale ighan gham. Atuya tsiam, tauta ena!

⁵Oyai, yes tau aazne naleep namin loom ila sosozi ne, lezi ŋgar mako imin kankanooŋa to nugh Mesek ve Kedar.

⁶Zeran to nugh tawe, lolozi pa ŋgar luuma mako kat. Ve yau nakaria lepoogh tomani zi, le isooŋ ghau wa.

⁷Yau lolog pa ŋgar luuma, ve naghe yeŋa nivalupu ghei nimin eemon. Eemon yes lolozi ipapazaagh zi pa ghamuuŋ malmal irau saawe.