MII GUN MIINU MO 19:5-11

⁵Dhali ki uni ciḵki gwo yan mo tani uni miikunu ki yi’de/ e gway gi Tap̱a Yesus mo.

⁶Dhali ka Buulus dhuki me’d piti ap̱o/ uni mo tani Shi/in Dheleladhelel yayi’di uni mo dhali uni wal ’twan tiya mo dhali c̱i gwo is mo be.

⁷Dhali uni ’baar kun ’kon mo tani uni wana e ki ’kwani kun tana ’kume’d i’ce’dka su/ mo be.

⁸Dhali a’di seki’d e gu’b gi montul is mo dhali c̱i gwo ki dar gi monyju/ mo ka ppe ’kup̱i kwara mo mmoṯora ṯor ka ḵarambuye/ mo dhali mmomalasa malas ki gwo mo gom to gi Bampa/ ma Arumgimis mo.

⁹Hili ki kun tiya ’bi’thkunuwa du is mo dhali ushki gwo gam is mo dhali mmo/okina uni gwon thus gom gwo gi Bway yan ibwambor ma waambuhany ’kwani mo tani a’dim Buulus yaki’d ’peni uni mo dhali a’di ḵwa/ki imanciḵ gwo mo mmodhu uni ki she/ mo mmoṯora ṯor ka ḵarambuye/ ka yempa/ e mombuṯ e Pan Ṯiraannus mo be.

¹⁰Dhali mii yan miikunu ki sule/ ki sule/ mo jin ta yil su/ mo be. Gom a’di ki mii yan kan mo tani a’di ciḵkin ma ris uni kun ’koni Pa Asiyya gwon Tap̱a mo dhali kun ta ’Kwani Yahuuda/ mo dhali ’Kwaniŋ Griḵi si’da/ mo be.

¹¹Dhali Arumgimis miiki miimer jin ta ji mum ki me’d ma Buulus mo.